El Western Mindanao Command (Westmincom) ya inicia cambio na Oficina del Jefe del Estado Mayor del Mando Unificado, asegun con el militar del Viernes.
Asegun con el Westmincom, con Coronel Montano Almodovar, el Asistente de Jefe del Estado Mayor del Mando Unificado de Inteligencia, ya designa como el nuevo lider del Oficina del Jefe del Estado Mayor del Mando Unficado.
Si Almodovar ya releva con Coronel Emmanuel Cabasan, con quien ya designa como el nuevo comandante del 1103rd Infantry Brigade base na provincia del Sulu.
Si Teniente General Antonio Nafarrete, el comandante del Westmincom, ya encabesa con el ceremonia del cambio del jefe de oficina del Jueves na Campo Navarro, que ta servi como el casa del cuartel del Westmindom na Barangay Calarian, ciudad de Zamboanga.
Durante el ceremonia, si Cabasan ya expresa su profundo apreciacion y gratitud con todo’l mga jefe del Westmincom que ya tene le el oportunidad para servi.
Si Almodovar ya recivi con el su nuevo responsibilidad con optimismo.
Si Nafarrete ya felicita con ambos oficiales, reconociendo con el comandable acomplicimientos de Cabasan y ya expresa su confidencia con Almodovar. (B. Garcia)