Cuarenta’y uno mga antes violente extremistas, o FVEs, desde’l tres municipios na provincia del Sulu el ya recivi mga enpaquetao comida desde con el gobierno, asegun con el militar del Viernes.
El mga enpaquetao comida ya distribui del Miercoles el 21st Infantry Battalion (21IB) y el Ministerio de Servicios Sociales y Desarollo na Bangsamoro Autonomous Region in Muslim Mindanao (MSSD-BARMM).
Asegun con el 21IB, el mga recipientes del mga enpaquetao comida amo mga FVEs desde’l mga municipios de Panamao, Panglima Estino, y Kalingalang Caluang.
Asegun con el 21IB, cada uno del mga identificao recipiente ya recivi un saco de arroz, equipos de cocina, y productos enlatao, que ya dale el provincial y municipal MSSD.
El 21IB ya habla, el iniciativa tiene el objetivo fortalece con el confiansa del comunidad y promova paz de largo termino por medio del proporcionando suporta esencial con aquellos que hay reintegra na sociedad. (B. Garcia)