Un wanted persona el ya aresta mga autoridad na operacion de aplicacion de ley na provincial del Lanao del Sur, el policia ya anuncia del Domingo.
Asegun con Police Colonel Robert Daculan, el Lanao del Sur police director, con el arestao wanted persona ya conose como si Alinor Mindalano.
Asegun con Daculan, con Mindalano ya aresta por medio de un orden de aresto mga alas 9:30 del Viernes denoche na Barangay Dulay West, ciudad de Marawi na provincial del Lanao del Sur.
Asegun con Daculan, si Mindalano tiene pendiente orden de aresto por el crimen de “attempted murder” que ya dale el un tribunal na cuidad de Marawi.
Si Daculan ya habla, con el arestao acusao na crimen the attempted murder ya pone bajo’l custodia del policia na ciudad de Marawi.
Si Daculan ya comenda con el mga personajes del policia na ciudad de Marawi por el exitoso aresto de Mindalano. (B. Garcia, photo courtesy of Lanao del Sur Police Provincial Office)