Zamboanga: Votante muerto, otro 1 irido na incidente de tiroteo

0
9

Un votante el ya muri mientras otro uno el ya iri na un incidente de tiroteo durante el conducida del Barangay and Sangguniang Kabataan Elections (BSKE) na provincia de Basilan, asegun con el policia del Lunes. 

El policia del Basilan ya nombra con el fatalidad como si Nasri Uddin, con quien ya declara muerto cuando ya llega na hospital.

Con el irido victima nohay nombra el policia quien un mujer votante.

Asegun con el policia con el mga victima ya tira mga desconosidos personas mientras ta man linia sila para vota pasada alas 10 de Lunes aga na Badja Elementary School na municipio de Tipo-Tipo, Basilan.

Ta continua el investigacion del policia para determina si quien el mga suspechao del incidente. (B. Garcia, photo courtesy of Basilan police)

Leave a Reply