Un candidato para barrio capitan el ya iri despues que ya tira conele su mismo hermano quien un candidato tamen para el semehante posision na municipio del Butig provincial del Lanao del Sur, asegun con el policia del Lunes.
El Police Regional Office-Bangsamoro Autonomous Region (PRO-BAR) el incidente ya ocuri mga alas 6:25 del Lunes aga na covered court del Barangay Bayabao, Butig, Lanao del Sur.
El PRO-BAR ya nombra con el victima como si Jamal Nanggay Bao, un negociante y candidato para barrio capitan na Barangay Poctan, Butig, y esposo del presente barangay chairperson del mencionao lugar.
Asegun con el policia con el suspechao ya conose como si Jamail Nanggay Bao, quien un candidato tamen para barrio capitan y hermano del victima.
Asegun con el POR-BAR, ta espera si Jamal que abre el precinto de votacion na “covered court” del Bayabao Central Elementary School cuando ya llega si Jamail y ya man golpe-golpe sila dos man hermano.
Amediante del golpe-golpe, asegun con el policia ya tira si Jamail con su hermano con quien enseguidas ya lleva na hospital para el tratamiento medical.
Asegun con el policia, con el suspechao ya aresta mga personajes del 51st Infantry Battalion.
El policia del Butig ta continua de ila investigacion para el propio disposicion. (B. Garcia)