El gobierno local ya distribui ayuda financial con 83 familias quien ya desplaza na un incidente de incendio del Octubre 20, 2023 na Barangay Baliwasan, en este ciudad.
Si Socorro Rojas, el jefe del City Social Welfare and Development Office (CSWDO), ya habla del Lunes cay total de P308,000 ayuda financial el ya dale con el mga afectao familias base na destroso del de ila propiedad durante el incendio.
Aquellos de quien casa ya man uput na incendio ya recivi P5,000, el familias ta esta na un casa que ya man uput na incendio ya recivi P3,000, aquel portion lang del casa afectao ya recivi P3,000 y aquellos quien ta arkila, P1,500.
Asegun con Rojas, el Alcalde John Dalipe ya encabesa con el distribucion del ayuda financial que ya hace del Viernes.
El incendio ya ocuri na Paseo de Manggal, Barangay Baliwasan del Octubre 20, 2023 donde el estimao destroso de propiedad ya alcansa na P1 millon. (B. Garcia)