GENERAL SANTOS CITY – PATAY ang usa ka motorista human nadisgrasya sa national highway Apopong, GenSan kaadlawon sa Marso 10 sa kasamtangan nga tuig. Subay sa talaan sa Traffic Enforcement Unit kon TEU ang disgrasya nahitabo sa Bagangga, Brgy.Apopong pasado alaskwatro sa kaadlawon tali sa usa ka pickup ug usa ka motorsiklo. Sa imbestigasyon nasuta nga pasugat ang duha ka sakyanan,a ng motorsiklo padulong sa Hadano Park samtang ang pickup padulong sa Apopong Rotonda, nikabig sumala pa sa wala ang pickup unya nabangga ang motor. Ang resulta naangol ang driver sa motorsiklo nga si alyas Van, 17-anyos, mekaniko nga taga Yu Village, Brgy. Apopong, nadala sa tamabalanan apan gideklara sa Doctor nga Dead on arrival. Gidala na sa punerarya ang biktima samtang nakighusay sa pamilya ang driver sa pickup nga residente sa Barangay Bula. Nagpaabot usab dayon og pahisubo ang mga barkada sa biktima ngadto sa ilang pamilya sa Apopong.