Dos mga individuales de alto valor el ya aresta y ya confisca valor de P544,000 droga ilegal el ya confisca mga autoridad na un operacion contra droga na provincia del Zamboanga del Sur, asegun con el policia del Martes.
El mando regional del policia o Police Regional Office-9 (PRO-9) nohay mas nombra con el dos arestao suspechao puera lang de habla’r cay el uno de ila un 24 años vendedor de pescao y el otro un 22 años siembrador.
Asegun con el policia, con el vendedor de pescao y siembrador ya aresta na un operacion de compra busto mga alas 6:40 del Lunes denoche na Purok Lerio, Barangay Poblacion, Margosatubig, Zamboanga del Sur.
Asegun con el policia, ya confisca na posesion del dos arestao suspechao 80 gramos de suspechao shabu enpaquetao na ocho termosellada transparente sobrecitos plastico que tiene el valor de P544,000.
El policia ya habla, el operacion de compra busto ya conduci siguiendo el bisiada na mal actividad del dos arestao suspechao.
Asegun con el policia, con el dos arestao suspechao ya pone bajo’l custodia del oficina regional del Philippine Drug Enforcement Agency. (B. Garcia)