Saturday, May 18, 2024

Zamboanga: Vendedor de pescao arestao; P316,200 droga ilegal ya confisca

- Advertisement -

Un vendedor de pescao el ya aresta y valor de P316,200 de suspechao shabu el ya confisca mga autoridad na un campaña contra droga ilegal aqui na ciudad de Zamboanga, el pulisiya local ya anuncia del Martes.

Asegun con Police Colonel Alexander Lorenzo, el director del Zamboanga City Police Office, con el arestao suspechao ya conose como si Edwin Sabalan, 47, un residente del Paseo de Corporation, Barangay Canelar, en este ciudad.

Asegun con Lorenzo, con Sabalan ya aresta na un “buy-bust operation” mga alas 11:24 del Lunes denoche na Paseo de Artesano, Barangay Canelar.

Durante el aresto de Sabalan, asegun con Lorenzo, ya puede recubri mga autoridad na posesion del suspechao 46.5 gramos de suspechao shabu enpaketao na siete pakete de plastic con el valor de P316,200, un pitaka, y P200 markao sen.

Si Sabalan detenido ahora na quartel del ZCPO en preparacion para el plantada del formal asunto na jusgado encontra con el suspechao. (B. Garcia, photo courtesy of ZCPO)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -