Consechas de Zamboanga ya principia ya

0
10

Total de 40 asociaciones de agricultor y pescadores el ta participa na aka-19 Cosechas de Zamboanga que ya principia del Lunes, Octubre 2, na Plaza Pershing, en este ciudad.

El actividad amo para dale mira con el mga visita y vivientes mga siembra y productos del mga siembrador del ciudad que ta incluwi mga siembra ornamentales, frutas y gulay y mucho pa mga otro productos agricultural.

Con el actividad ya organisa el Oficina del Agricultura del Ciudad en colaboracion del mga asociasiones de agricultor y pescadores del ciudad.

Mientras tanto, el Alcalde John Dalipe ya declara cay prioridad del su administracion el sector de agricultura hablando el importancia del mga siembrador y pescadores.

β€œTa invita yo con ustedes todo que gosa el da aton cosechas; pacia, compra, y ciembra. Aserta quita el ciencia de agricultura que tambien importante para na de aton cadaecual vida, y para con el de aton unidad,” ya habla si Dalipe na su mensaje.

El cosechas de Zamboanga parte del celebracion del fiesta de Zamboanga Hermosa.

El actividad na Plaza Pershing ay hace hasta na Octubre 15. (B. Garcia, photo courtesy of City Government of Zamboanga Facebook page)

Leave a Reply