Zamboanga: Vaccination roll-out ta na ciudad de Zamboanga ta continua

0
0

El gobyerno local de Zamboanga pormedjo del City Health Office ta continua conduci con el vaccination rollout para con aquelyos maga eligible populasyon. Prinsipyando dia de Lunes hasta dia de Domingo el City Health Office ta activa con el maga health centers incluido el maga mall,night markets y otros pa maga vaccination sites.

Visit RPN DXXX Zamboanga

Para man man encourage con el maga vivientes manda clava bakuna contra Covid-19 el Alcalde John Dalipe ya initia booster incentive program donde cada booster dose tiene libre cinco kilo de arroz. Este mencionao programa ta implementa na maga Night Markets na Rizal Street, Baban Street na barangay Baliwasan y Integrated Bus Terminal na Barangay de Divisoria.

El City Health Office ta utiliza tambien maga settings-based donde maga vaccination teams ay designao na maga canning factories masquin na maga Covid-19 information session para man reach out con el maga quien quire clava bakuna contra Covid-19.

El terser amo el house-to-house vaccination donde maga personahes del maga health center ta man roving na maga barangay para busca con aquelyos maga unvaccinated indibidwal. El City Health Officer Dr. Dulce Miravite ya abla que ta ase sila el esfuerzo para continua con el vaccination roll-out para puwede obtene alto vaccination rate. Base na record total de 1,621,496 doses del Covid-19 el ya puwede administra el ciudad de Zamboanga desde Septiembre 19, 2022.

Na total numero 696,922 el first dose y 687,725 el second dose mienrastanto 215,823 el quien ya puwede recivi con el first booster dose y 21,026 el second booster dose.  (Cristine Falcasantos, photo courtesy from City Government of Zamboanga Facebook page)

LEAVE A REPLY

Please enter your comment!
Please enter your name here