Como parte na celebrasyon del Zamboanga Hermosa Festival, el Office of the City Veterinarian ay conduci Pet parade, blessing y dog fashion show na Octubre 2, 2022 prinsipyando alas tres del tarde hasta alas seis del noche na Kabang Monument, St. Francis Circle na barangay de Pasonanca en este ciudad. El mencionao actividad hay dale honor con el feast day del St. Francis of Assisi, el patron del maga animal. Hay dale maga special awards incluido el Best in Talent, Most Fashionista, Most Unique Costume, Best Coat Dog y Darling of the Crowd award.
El maga interesao pet owners hay puwede man register online y on site prinsipyando ala una del tarde hasta alas tres del tarde. (Cristine Falcasantos, photo courtesy from City Government of Zamboanga Facebook page)