El maga personahes del Police Station 6 como si Police Senior Master Sergeant Bob Malak Sakilin aquel maga tiempo on duty na compact de Barangay Arena Blanco ya llyama por medio del su cellphone na Police Station 6 y reporta que tiene incidente de taho ya ocuri na kalye Lapu-Lapu Barangay Arena Blanco en este ciudad.
Base na investigasyon del Police Station 6 que ya anda con el victima na Zamboanga City Medical Center para verifica el veracidad del incidente.
El Police Station 6 ya nombra con el victima como si Samir Asan y Jacaria, veinte cuatro anios el edad,soltero y residente del Gapuh, Barangay Talabaan en este ciudad.
Con Asan ya mira baniao con su mismo sanggre y ya sustene taho na deperentes parte del su cuerpo y ahora ta esta bajo na curada medical.
Na follow up investigasyon que ya conduci si Asan ya anda na mencionao lugar para visita con su amigo pero cuando ya llyega ele na mencionao lugar tiene un desconosido persona sin rason ya supla de taho conele, y despues sosede el incidente el suspechao ya core para na kalye Lapu Lapu na Brgy Arena Blanco en este Ciudad.
El Police Station 6 ta continua conduci follow up operation para con el aresto del suspechao. (Aprilboy Regino)