Un “wanted” persona quien tiene pendiente asunto na un tribunal local el voluntariamente ya rindi na autoridad aqui na ciudad, asegun con el policia local del Martes.
Asegun con el policia local, el quien ya rindi ya conose como si Kim Cyrus Pagol, 27 años el edad y residente del Purok 2B, Barangay Malagutay, en este ciudad.
Asegun con el policia, si Pagol ya rindi mga alas 10 del Lunes aga na campo del 1st Zamboanga City Mobile Force Company (1ZCMFC) na Barangay Sta. Barbara, en este ciudad.
El policia ya habla, si Pagol tiene pendiente orden de aresto por el crimen de Acts of Lasciviousness con recomendao piansa de P36,000 que ya dale el un tribunal del ciudad del Deciembre 1, 2023.
Si Pagol ta esta bajo’l temporario custodia del 1ZCMFC para el propio disposicion.
(B. Garcia)
