Zamboanga: Un Tricycle y un Toyota Corola ya man banggaan na MCCL high way Brgy. Boalan

0
0

Ala una cuarenta del aga ayer, Agosto catorse,dos mil veinte dos, tiene un concierne persona el ya llama na Police Station 5 y ya reporta que tiene vehicular accident ya occuri na MCCL highway, Barangay Boalan este ciudad.

Visit RPN DXXX Zamboanga

Asigun con el policía, nohay plaka el Tricycle Badjai que ta manaje si Carmelo de Real Quilongquilong, treynta’y siete anios el edad, kasao y residente del PBP Housing,Barangay Cabaluay.

Mientras el otro pa embuelto vehicolo Toyota Corola que tiene  placa numero DGK -187, Ta maneja si Efren Corola Ebarrientos, cuarenta’y tres anios el edad, kasao y residente de Teacher Village, Barangay Cabaluay este ciudad.

Base na imbestigacion del maga atoridad, abos maga vehiculo  estaba na sentro del pueblo y encamino ya para na Barangay Cabaluay. Cuando ya liga na mentionao lugar del incidente. Alegaomente, accidentalmente yan bangga el Toyota Corolla con el Tricycle Badjai, depues yan baliskat el asigun Tricycle para na urilya, particularmente na costao del un street light; rason para cay el chufer  del tricycle na sementao camino.

Abos maga vehiculo ya tiene destroso y el  chufer de Tricycle Badjai ya sustene maga contucion na deferente parte del su cuerpo. Enseguidas con ele ya lleba  na Zamboanga City Medical Center para na curada medical.

Todo maga Vehiculo ya lleba na Police Station 5.

El  chufer del Toyot Corola ta esta na custodia del mentionao estacion para el propio desposition. (April Boy Regino)

LEAVE A REPLY

Please enter your comment!
Please enter your name here