El maga personajes del Police Station 5 Divisoria ya recivi llyamada estaba con un persona nombrao como si Wallard Angeles, un X-Ray Operator na intergrated Bus Terminal locao na Brgy. Divisoria este ciudad.
Si Angeles ya pidi ayuda con con PSSg. Lerjon Mustafa Asul personahes del Police Station 5 que presentamente designao na mencionao lugar.
Base na investigasyon del Police Station 5 asegun con Angeles ya nota ele que tiene un Bag pack color maroon que ta contene Short Firearm que ta duenya si untal Nikko Pagador Escubedo, deci-nueve anios el edad, un estudyante y residente del Jose Dalman,Municipio de Zamboanga Del Norte.
Durante el verificasion,el suspechao persona ya falia presenta el su papeles o maga documento para el legalidad y transporta del armas de fuego estaba na Jose Dalman Munisipyo de Zamboanga Del Norte para aqui na ciudad de Zamboanga .
Enseguidas ya aresta el Police Station 5 con Pagador y ya confisca na desuyu posesyon un 9mm armscor armas de fuego que tiene serial no. 1446044 y un magazine con seis maga bala.
Si Pagador detenido ahora na Police Station 5 y enfrenta el asunto de Illegal possession of fire arms y ammunitions. (Aprilboy Regino)