Ta esta bajo ahora na custodiya de Police Station 7 el un residente de Barangay Pasonanca por violacion del Republic Act 9262, o el “Anti-Violence Against Women and Their Children Act of 2004.”
Asegun con el Police Station 7 cay si Rowel Camacho, treynta’y siete anios el edad alegaomente ya man selos y ya ase sinti duele con su live-in partner del martes tarde.
Asegun na investigacion del Police Station 7 por causa de selos, ya martilla si Camacho con el cabesa, ya sopla de acha con el destras y ya empesa gulpia con live-in partner.
Si Camacho, quien ta acusa con su live-in partner cay tiene relasyon con otro hombre, ya empesa pa ultraja con su live-in partner.
El pulisiya ta suspcha cay boracho si Camacho durante el incidente. (April Boy Regino)