- Advertisement -
Admitido ahora na hospital el un chufer de un companiya de construccion con quien ya tira maga alas ocho dies anoche na Sapa Manok, Barangay Curuan, este ciudad.
El Police Station 2 ya nombra con el victima como si Gernzie John Patagoc, cuarenta anios el edad.
Asegun con el Police Station 2 cay con el suspechao ya conose como si Joey Delos Reyes, un residente del Sitio Presa, Barangay Curuan.
Base na investigacion del Police Station 2 cay si Delos Reyes alegaomente ya tira con Patagoc quien durante el incidente ta maneja vehiculo y ta anda encontra con su companiero na construction site na Sitio Presa.
Si Delos Reyes enseguidas ya escapa despues del incidente myentras con Patagoc ya lleba na hospital. (April Boy Regino)
- Advertisement -
