Maga personajes del pulisiya ya aresta con un persona na campanya contra droga ilegal del anoche alla na provincial del Zamboanga Sibugay.
Si Coronel Albert Larubis, Zamboanga Sibugay police director, ya nombra con el suspechao como si Arnold Turno, treynta’y ocho anios el edad.
Asegun con Larubis cay con Turno ya aresta na un buy-bust operation maga alas siete vente seis del myercoles denoche na Purok Gloria, Barangay Ipil Heights, Ipil, Zamboanga Sibugay.
Si Larubis ya habla cay ya puede confisca na posesion de Turno suspechao shabu con el valor de treynta’y cuatrol mil de pesos, deci-nueve papel de quinientos pesos como “boodle money”, two cellular phones, y un papel de quinientos pesos “marked money”.
Detenido ahora si Turno myentras ta ase el necesaryo preparacion para el presentada del formal asunto contra conele na jusgado. (Bong Garcia)