El alcalde Roderick Furigay del ciudad de Lamitan provincia del Basilan ya distribuji aros y cash incentives del martes na un escuela del mencionao ciudad.
El maga beneficiaryo amo maga sesenta’y seis estudiantes quien compuesto de primer batch de estudiante ya gradua senior high school na Damaso Furigay Jr. National High School alla na Barangay Calugusan ciudad de Lamitan.
El maga maestro del mencionao escuela ya recivi tamen aros desde con Furigay. Ay dale tamen scholarship con maga qualificao estudiantes como ayuda para na de ila estudio na colegio.
Con el escuela del Damaso Furigay Jr. National High School ya establisa del anio dos mil deic-seis si señora Rosa Furigay, el esposa de Damaso y su maga anak canda Amy Furigay-Quides, Vivian Furigay-Dudgeon, Mayor Furigay y su esposa, el antes alcalde de Lamitam, Rose Furigay, quien ya dona el lote donde ya planta con el escuela.
Canda Furigay ya continua tamen dale suporta con maga estudiante como uniforme, bags, y maga cosas de escuela and otro fcilidad.
El Damaso Furiga Jr. National High School prsentamente tiene mas the quinientos estudiantes desde Barangay Calugusan y otro sercano lugar.
El Damaso Furigay, Jt. National High School un consistente topnotcher del Integrated Learning Enrichment Achievement Program. (Bong Garcia)