Un persona el ya pwede escapa na San Ramon Prison y Penal Farm na Barangay Talisayan del ayer petsa veinte syete dr hulyo año dos mil veinte dos.
Base na report del ZCPS9, el maga personahes del Bucor na liderato di CO3 Alvin M. Albarasin, Chief Overseer el ya atraka na estasyon para reporta el escapada del un preso.
El preso quien asegun ya escapa ya nombra como si Winnie Encarnacion Mag-Usara, sesenta’y nueve años el edad, byudo, nativo de Brgy. Tupilak RT Lim. Zamboanga Sibugay con kaso de Murder y Frustrated Murder.
Apenas recivi el noticia, el maga personahes del estasyon derepente ya pidi letrato del preso y ya coordina con el maga sercanos estasyon para conduci spot checkpoint por el posible apprehension del mentionao persona.
El mencionao preso asegun base na report del ZCPS9, un trustee na Beach Park Resort como maintenance, cuanto ora despues el duty del maga personahes del BUCOR, na lugar del incidente ya pwede descubri que uno del maga Persons Deprived of Liberty el ya pwede escapa para na shoreline del lugar usando un pribado Banca.
El personahes del ZCPS9 ya coordina con el maga personahes del BUCOR por el on-going hot pursuit operatiom por el posible aresto del persona ya escapa. (April Boy Regino)