Zamboanga: Un motorista el ya iri cuando ya man bangga ele ayer con un parao trak na Maria Clara Lorenzo Lobregat Highway alli na Barangay de Boalan, este ciudad. Asegun con el Police Station 5 con el victima ya conose como si Ryan Manalo, treynta’y uno anios el edad y residente de Barangay Putik. Asegun na investigacion del pulisiya cay ta maneja si Manalo motorsiclo de camino para na costa esta estaba na pueblo cuando ya man bangga ele con el trak que ta maneja si Afried Lacapag parao na canto’y camino. Con Manalo ya lleba na ospital para ase el curada medical myentras con el dos vehiculo ya pone bajo el custodiya del Police Station 5. (Erika Javier) El pulisiya local ya aresta con un persona quien ta enfrenta el asunto na jusgado de abuso con mga mujeres y bata ayer alli na Barangay Putik, este ciudad