Ya kema el un motorsiclo por causa ya sobra el calor del carburador del Lunes madrogada na calle Agan Avenue, Barangay Camino Nuevo, este ciudad.
El incidente ya ocuri mga ala 1:13 Lunes madrogada myentras de camino pa bolbida desde Barangay Pasonanca si Juvy Santiago, 30 años el edad y residente de calle Governador Alvarez, Barangay Camino Nuevo.
Asegun con Santiago enseguidas ele ya ase para y ya abaja cuando ya nota le ta sale fuego na makina del su motorsiclo.
Con el fuego ya puede apaga el mga bombero quien ya responde na incidente.
Nohay sinti duele si Santiago durante el incidente.
El investigador del bombero ya estima con el destroso de propiedad mas o menos P15,000. (B. Garcia, photo courtesy of Police Station 11)