Kalikaguman ni bokal Jonathan Torralba chairman ti Committee on Agriculture ti Sangguniang Panlalawigan a mapaalisto ti pannakabayad dagiti kamatis dagiti agtaltalon iti Ilocos Norte babaen ti Northern Foods Corporation (NFC).
Kuna ni Torralba a sumagmamano nga agtaltalon ti agpatpatulong kenkuana gapu ta agpapan kadagitoy a gundaway ket saan pay a nakasingir dagiti dadduma a tomato growers manipud NFC.
Maldaangan ti bokal gapu ta adda pay maysa a farmer a milyon ti singsingiren na iti nadakamat a kompanya.
Gapu kadaytoy kalikaguman ni torralba a makibinnallaet ti gobierno probinsyal kadaytoy a problema dagiti agtaltalon tapno mabayadan met laeng dagiti nagrigrigatan da a produkto. (Rod Sadian)
(Source: Sangguniang Panlalawigan)