Un persona quien tiene pendiente de aresto el voluntaryamente ya rindi con mga otoridad aqui na ciudad del Zamboanga del Lunes aga.
Si Police Major Sonny Boy Perez, el hefe del Zamboanga City Police Station 6 (ZCPS6), ya habla cay si Phil. Antony Gallemit, 30 años ya rindi mga alas 9:43 del Lunes aga na ZCPS6.
Asegun con Perez cay si Gallemit tiene pendiente orden de aresto por violacion del “Comprehensive Dangerous Drugs Act of 2002” con el recomendao piansa de P40,000.
El orden de aresto encontra con Gallemit estaba na un jusgado del ciudad de Zamboanga que ya dale del Hulyo 5. 2023.
Si Gallemit bajo ahora na custodiya del ZCPS6 en preparacion para entrega conele na concierne jusgado. (B. Garcia, photo courtesy of ZCPS6)