Maga operativas del Criminal Investigation and Detection Group (CIDG) ya aresta con un official de barangay tiene pendiente orden de aresto por el crimen de matansa alla na provincia de Sulu.
Si Coronel John Francis Encinareal, el hefe del CIDG ya nombra con el aresta persona acusao na un asunto de matansa como si Ibuh Said, sincuenta’y ocho años el edad, un elejido kagawad na Barangay Kansipat, Panamao, Sulu.
Asegun con Encinareal cay con Said ya aresta maga alas tres y media del martes tarde adentro na Campo Julasirim Kasim na Barangay Asturias, Jolo, Sulu.
Asegun con Encrinareal cay si Said tiene pendiente orden de aresto con el piansa de siento veinte mil pesos por el crimen de matansa que ya dale del December deci seis, año dos mil veinte uno el tribunal del Jolo, Sulu.
Con Said ya pone bajo el custodiya del pulisiya na municipio del Panamao. (Bong Garcia, Jr.)
(Photo Courtesy of Naval Forces Western Mindanao)
