Mga personajes del Pulisiya local ya aresta con un jovencito residente de Barangay Lumbangan por el reclamo de estafa.
Asegun con el Tiniente Royland Cordero del Police Station 11 cay con el suspechao ya conose como si John Kyle Saavedra, veinte tres anios el edad.
Si Cordero ya habla cay con Saavedra ya aresta na un entrapment operation maga alas cuatro y media del Sabado tarde alli na Tiangge Aquatic na Barangay Putik, este ciudad
Si Cordero ya habla cay el entrapment operation ya ase despues que ya planta un formal reclamo contra con Saavedra el un negocianta, si Jed Garcia.
Durante el entrapment operation, ya recubri na posesion de Saavedra cuatro sientos noventa’y nueve pedaso de mil peso boodle money y tres genuine mil pesos como markao sen.
Con el arestao suspechao ya detene na quartel del Zamboanga City Police Office. (April Boy Regino)