Un carpentero el ya aresta el mga autoridad y ya confisca valor de P476,000 de droga ilegal na provincia del Zamboanga del Sur, asegun con el Philippine Drug Enforcement Agency (PDEA).
El PDEA ya nombra con el arestao suspechao como si Norwin Gimang, 45 años el edad, y residente de Barangay Culo, Molave, Zamboanga del Sur.
Asegun con el PDEA, con Gimang ya aresta na un operacion de compra busto mga alas 3:10 del Martes tarde na Purok 2, Barangay Guitran, Dumingag, Zamboanga del Sur.
Asegun con el PDEA, con Gimang ya aresta despues que ya vende le 50 gramos de suspechao shabu que tiene el valor de P340,000 con un agente del PDEA quien ta pretende como un comprador de shabu.
Asegun con el PDEA, ya puede tamen recubri na posesion de Gimang 20 gramos de suspechao shabu enpaquetao de cuatro termosellada transparent sobrecitos plastico que tiene el valor de P136,000, un balutan del boodle money que ta pone insima real P1,000 como markao dinero, un motorciclo, un celpon, y P6,520 dinero.
Asegun con el PDEA, con Gimang ay planta el asunto por violacion del Ley integral de drogas peligrosas de 2002. (B. Garcia)