General Santos City – Ang usa ka Manhunt operation sa Police Regional Office 12 mibunga sa pagkasikop sa usa ka DILG Most Wanted Person sa Brgy. Poblacion, Malungon, Sarangani Province niadtong Hulyo 10, 2024.
Nasayran, nga ang Joint operatives sa Malungon PNP, 1st PMFC ug uban pang yunit sa Kapulisan sa probinsiya ug rehiyon nagsilbi nga warrant of arrest batok kang alyas “Kokoy”, 33 anyos, ug residente sa Brgy. San Jose, Koronadal City sa nasampit nga petsa. Ang nasikop nga suspek nalista isip Most Wanted Person National Level ubos sa DILG MC No. 2023-185 nga gipasakaan og kasong Rape.
Siya anaa na karon sa kustodiya sa Malungon MPS alang sa tukmang disposisyon.