Un bata mujer el ya man lumus myentras hunto le con su familya ta man picnic na un resort alli na Barangay Tugbungan, este ciudad.
Asegun con el pulisiya cay el bata que tiene el edad de nueve anios ya anda bania na swimming pool myentras ta man picnic el familya na un resort.
Con el ya precura salva cuando ya puede columbra uno del myembros del su familia ta man lumus este maga alas tres cuarneta’y sinco del Sabado tarde.
Ensueguidas ya lleba con el bata na hospital pero ya declara con este muerto el doctor quien ya attende con ele.
Con el resto del bata ya lleba bolbe na su nativo lugar alla na municipio de Tipo-Tipo, Basilan para el intierro de muslim. (April Boy Regino)