Maga otoridad ya confisca tres punto cuatro milyones valor de suspechao shabu maga alas cuatro sincuenta del tarde del Lunes aeropuerto international del ciudad de Zamboanga.
Asegun con Emerson Margate, el director rehyonal del Philippine Drug Enforcement Agency, cay con el shabu ya puede descubri por medio del ayuda del “PDEA K9” despues que el maga personajes del seccion de carga na aeropuerto ya man duda si cosa el laman del un carton ya imbia por medio de un privado companiya de coreyo.
Asegun con Margate cay el shabu enbolbido na un plastic ya pone adentro del un grande garapon de plastic lleno de tostao polbos de codo enpaketao na un carton.
Si Margate ya habla cay el shabu que tiene el pesades de quinientos gramos y valor de tres punto cuatro milyones de pesos ya imbia por medio de coreyo el untal Farhana Maddih de Maluso, Basilan para con Dayana Ismael del Philcoa, Commonwealth, ciudad de Quezon.
Si Margate ya habla cay ay verifica sila si verdadero el maga nombre del hente indicao na recibo del imbiao carga. (Bong Garcia, Jr.) (Photo Courtesy Mayor John Dalipe Page)