El maga personajes del Police Station 7 ya aresta con el tres personas anoche na Villa Margarita,San Roque en este ciudad.
El Police Station 7 ya nombra con el maga suspechao como si Imelda Del Coro Baya,sincuenta anios el edad, Erlinda Alicanda Abarido,sincuenta’y cuatro anios,kasao y Nilda Gapon Rusiana,sesenta’y seis anios ,kasao y ambos residente de Villa Margarita,Barangay San Roque en este ciudad.
Asegun con el pulisiya, ya puwede confisca na posesyon del suspechao un set de baraha y apuesta sen valor de ciento sesenta’y cuatro de pesos.
Con De Coro,Alicanda,y Gapon ya detene na quartel del Police Station 7 y esperansao planta formal asunto contra canila. (April Boy Regino)