Mga personajes del Police Station 11 ya aresta tres personas na un campanya contra juego ilegal ayer tarde alli na Barangay Baliwasan, este ciudad.
Con el campanya contra juego ilegal ya ase mga ala una y media del tarde ya encabesa si Police Lieutenant Royland Cordero.
Si Cordero ya nombra con mga personas ya cuji sila na acto ta juga talang como canda Mukim Sali, cuarenta’y seis anios de edad, Mark Anthonie Macapili, veinte seis, y si Edgardo Suganat, sincuenta’y ocho anios el edad, todo mga residentes de Baliwasan.
Asegun con Cordero ya puede sila confisca con el tres arestao personas dos coin de un peso ta usa na juego de talang, un juego illegal, y cuatro sientos setenta persos sen de apuesta.
Con mga arestao personas ya lleba na quartel del Police Station 11 para el propio accion. (Jennyrose Delos Santos)