Un trabajante de construccion ya aresta mga autoridad por el asunto de “21 counts rape” aqui na ciudad de Zamboanga, asegun con el policia local del Lunes.
Asegun con el Zamboanga City Police Station 8 (ZCPS8) con el arestao acusao ya conose como si Lowie Buganotan, 33, un residente de Purok 9 na Barangay Sinunuc.
Asegun con el ZCPS8 con el acusao ya aresta mga alas 9:47 del Sabado aga na Barangay Putik, en este ciudad.
Asegun con el ZCPS8, si Buganotan tiene pendiente orden de aresto de 21 counts rape sin recomendao piansa ya dale el un “family court” del ciudad de Zamboanga.
Con Buganotan ya pone bajo na custodiya del ZCPS8. (B. Garcia)