Ya declara librao desde el influencia del grupo Abu Sayyaf con el muncipio de Tapul, un isla na provincia del Sulu.
Asegun con el 1101st Infantry Brigade cay el declaracion ya ase govierno municipal del Tapul durante un hunta que ya atende mga alto funccionarios del govierno, pulisiya y fuersa militar y mga viveintes del Agosto 8 na covered court del mencionao municipio.
El conducida del memorable hunta ya facilita el 104th Infantry Battalion bajo el liderato de Tiniente Coronel Roland Arreola.
Na su mensaje, si Brigadier General Eugenio Boquio, el comandante del 1101st Infantry Brigade, ya comenda le con el govierno municipal del Tapul por del declaracion cay librao ya el municipio desde’l influencia del grupo Abu Sayyaf.
Asegun con Boquio, importante el asida del declaracion cay ay resulta este na buen y positivo imagen del municipio y provincia del Sulu.
Si Boquio ya habla cay necesita prepara el govierno municipal del Tapul para introduci mga mejoras para cambia con el imagen del de ila lugar. (B. Garcia, photo courtesy of 1101st Infantry Brigade)