Zamboanga: Sur Ubian ya inagura nuevo centro de reformacion

0
4
(Photo courtesy of PDEA Regional Office BARMM)

El gobierno municipal del Sur Ubian, Tawi-Tawi ya inagura con el de ila nuevo constuido Balay Silangan Reformation Center.

Asegun con Gil Cesario Castro, el director de Philippine Drug Enforcement Agency na Bangsamoro Autonomous Region in Muslim Mindnao (PDEA-BARMM), ya habla el proyecto que ya construi es un iniciativa del Alcalde Hadzri Matba del Sur Ubian.

Si Castro, quien ya atende con el inaguracion del proyecto del Martes, ya habla cay 15 individual desde’l municipio del Sur Ubian hay beneficia desde’l varias programas de gobierno con el objetivo para transforma de ila vida y hace canila mas productivo individual.

Asegun con Castro, el nuevo centro de reformacion ta marka un nuevo capitulo de esperanza y oportunidad para del comunidad de Sur Ubian.

Si Castro igualmente ya expresa su profundo gratitud con el gobierno local del Sur Ubian por el de ila activo suporta na campaña nacional contra droga ilegal.

“Optimistico yo cay el proactivo esfuerzo del Sur Ubian hay inspira con el otro gobierno local para abre el pasada para un Tawi-Tawi libre de drogas,” si Castro ya habla.

Fuera con Castro, con el inaguracion del proyecto ya atende el otro mga alto funccionarios de gobierno, policia, y militar. (B. Garcia)

Leave a Reply