Un negociante el ya muri na un incidente de puñalada na ciudad de Zamboanga, asegun con el policia local del Jueves.
El policia local ya nombra con el fatalidad como si Adrian Canares, 44 años el edad y residente del Barangay Licomo, ciudad de Zamboanga.
Asegun con el policia, con Canares ya lansia el un desconocido persona na Paseo de Manhattan, Barangay Tugbungan del Miercoles madrugada.
Asegun con el policia, ya lleva con Canares na hospital pero ya declara conele muerto el doctor apenas ya llega na facilidad medical.
Base na investigacion, si Canares y su esposa ta durmi na de ila tienda cuando ya sinti le tiene hente.
Asegun ya lancia con Canares el desconocido persona cuando ya levanta le para chekia si quien el hente apuera del de ila tienda.
El policia local ta continua el investigacion para establisa el identificacion del suspechao del incidente. (B. Garcia)