El oficina regional del Departamento de Turismo ya entrega ocho amarillo vinta como suporta con el “Sta. Cruz People’s Organization”.
Si Dara May Cataluña, el director regional del Departamento de Turismo, hunto con el Alcalde John Dalipe, ya encabesa con el entrego del mga vinta con el mga identificao beneficiarios del Jueves aga.
El ocho amarillo vinta ta sirvi parte del promesas que ya ase el Secretaria Maria Ezperanza Christina Frasco del Departamento de Turismo cuando ya man hunta le con el mga miembros del Sta. Cruz People’s Organization del mes de Mayo.
Si Dalipe ya expresa su gratitud con el Departamento de Turismo por el firme suporta con el Sta. Cruz People’s Organization y todo mga organizacion de turismo na region.
Con el ocho amarillo hay usa el mga miembros del Sta. Cruz People’s Organization na de ila busca lavida. (B. Garcia, photo courtesy of John Dalipe Facebook page)