- Advertisement -
Ya puede confisca valor de dosientos mil pesos smuggled cigarillo maga pulis ayer tarde na canto’y aplaya del Barangay Biosong na municipio de Picong, Lanao del Sur.
Asegun con el Area Police Command-Western Mindanao con el maga smuggled cigarillo ya confisca despues que ya recivi informacion maga pulis aserca el llegada de un pumpboat ta lleba contrabando.
Pero asegun con el pulisiya cay nohay con quein ya puede aresta cay el maga hente ta maneja con el pumpboat ya istindi cuando ya nota sila el presencia del maga pulis.
Con el maga confiscao cigarillo ya pone bajo el custodiya de pilus na municipio del Picong y despues ya entrega na Buro de Aduana. (Bong Garcia, Jr.)
- Advertisement -