Total de 52 skolar el ya pwede completa diila seis años specialized science curriculum del Philippine Science High School (PSHS) System.
El mga primer skolar estaba asegun na Philippine Sciene High School-Zamboanga Peninsula Region Campus (PSHS-ZRC).
Uno de aquellos ya gradua amo si Nicolien Rian Racho quien ya recivi el de todo alto honor y otros pa treynta’y unit maga estudyante con alto honor.
Asegun con Campus Director Engr. Louie Jamora, el mencionao grupo ta dale el mejora edukasyon de Siencia, Teknolohiya, Enhiniera y Matematika para con el maga jovenes del nacion y con el campus del Ciudad de Dipolog que ya hace accesible con el sistema na Peninsula de Zamboanga y otros pa maga rehiyon como el probinsya del Basila, Sulu y Tawi-tawi.
Del año pasaw el maga estudyante del PSHS-ZRC ya lleva honor con el nacion por medio del 118 gold, silver y bronze awards na cuantos academico internasyonal kompetisyon nombrao como el Hong Kong International Computational Olympiad (HKICO), Guangdong-Hong Kong-Macao Greater Boy Area Big Bay Bie (BBB) Mathematical Olympiad, Thailand International Mathematical Olympiad (TIMO), Philippine International Mathematical Olympiad (PHIMO), Hong Kong International Mathematical Olympiad (HKIMO) y Hong Kong International Science Olympiad (HKISO). (Erica B. Javier)