Sinco del sincuenta’y siete myembros del Traffic Enforcement Unit (TEU) del govierno local el positivo na uso de droga ilegal durante el un sorpresao conducida de drug test ayer.
Asegun con el administrador del ciudad Mario Yanga cay ya conduci con el sorpresao drug test siguiendo el orden del Alcalde Dalipe quien ya recivi maga reclamo sobre maga iregularidad ta comete maga myembros del TEU.
Maga iregularidad ta incluhi remediada y otro pa maga error ta comete el cuantos myembros del TEU myentras ta diriji trafico na camino del ciudad.
Pero asegun con Yanga cay ay conduci pa sila confirmatory test para determina si deberasan hayot sila ta usa droga ilegal.
Si Yanga ya habla cay aquellos quien tene resulta confirmao positivo ta usa droga ilegal ay dale canila castigo administrativo.
Antes ya ase el sorpresao drug test, ya pone anay bajo na orientacion con el maga personajes del TEU sobre de ila mudada y actuasion myentras ta ase el de ila trabajo.
Asegun con Yanga cay ay conduci sila otro sorpresao drug test para con el maga emplyado de govierno local na maga dias que viene.
Asegun con Yanga cay el conducida del drug test parte del esfuerso para kita con el maga indisible personajes na govierno local. (Bong Garcia, photos courtesy of City Government of Zamboanga Facebook page)