El Alcalde John Dalipe positivo de coronavirus disease 2019 (Covid-19).
Ya descubri cay positivo si Dalipe de Covid-19 despues que ya manda le man swab test ayer cay esperansao el alcalde man hunto con maga alcalde de otro ciudad para man courtesy call anoche con Presidente Ferdinand Marcos Jr na palacio del malacañang.
Asegun con el anuncio del govierno local cay asymptomatic si Dalipe maskin positivo le de Covid-19.
Myentrastanto, ya asegura si Dalipe cay ay continua le ase su obligacion y responsibilidad como alcalde del ciudad myentras ta complete le el manadatory isolation.
Si Dalipe ya diriji tamen con su maga ejecutivo personajes y department heads del govierno local para ayudai y representa conele na maga actividades necesita su presencia.
Si Dalipe esperansao participa “virtually” na mga actividades del govierno local. (Bong Garcia)
