28.6 C
Manila
Friday, March 29, 2024

Zamboanga: Sinco Abu Sayya ya rindi na Sulu

- Advertisement -

Sinco myembros del grupo Abu Sayyaf voluntariamente ya rindi del lunes por medio del esfuerso del Talipao Municipal Task Force in Ending Local Armed Conflict (MTF-ELAC).

Visit RPN DXXX Zamboanga

Asegun con Major General Ignatius Patrimonio, comandante del Joint Task Force Sulu, con quien ya presenta con el sinco Abu Sayyaf que ya rindi, cay uno de ila amo un hente de Radulan Sahiron y el otro cuatro maga sigidores de Sibih Pisih, un sub-leader del grupo Abu Sayyaf.

Asegun con Patrimonio cay ya entrega dos riple garand y tres cuarenta’y sinco pistola el sinco Abu Sayyaf que ya rindi del Lunes.

El uno del sinco Abu Sayyaf ya rindi conosido como si Amah Andin ya habla ya decidi sila rindi cay ta pasa sila tormento na grupo de Sahiron siendo cambia’y cambia sila lugar para desviya con el tropa de fuesra militar.

Asegun con Andin cay ta deseya ya tamen ele vivi hunto con su familya and ya realiza ele cay de envano lang el cosa sila ta pelya.

Ya habla pa sin Andin cay hinde na canila ta ayuda maga residentes na communidad poreso ya decidi sila rindi.

Asegun con Alcalde Nivocadnezar Tulawie del municipio de Talipao cay el sinco Abu Sayyaf ya rindi ay recivi ayuda por medio del Local Social Integration Program (LSIP).

El LSIP un programa este del govierno del provincia del Sulu y Joint Task Force Sulu por medio del provincial y municipal task force-ELAC. (Bong Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -