El mga personajes del Oficina de Salud del Ciudad ta sustene con el medidas contra dengue para privini y controla con el enfermedad que ya causa el namuk.
Asegun con el Oficina de Informacion Publico del ciudad, el mga personahes del Oficina de Salud del Ciudad ta rega medicina na mga escuelas publica y comunidad aqui na ciudad.
El mas reciente regada de medicina ya conduci na barangay de Tetuan y na sercanos barrio de Tugbungan.
Base na datos del Oficina de Salud, el ciudad ya registra 142 casos de dengue para el periodo amediante del Enero 1 hasta Febrero 10, este año.
Asegun cay menos de 44 por ciento el reportao admission este año comparando con el 255 casos ya documenta para el igual periodo del año 2023. (B. Garcia, photo courtesy of City Hall PIO)