Un arbusto incendio el ya ocuri na costa este del ciudad de Zamboanga, asegun con el policia local y bombero del Sabado.
Asegun con el policia local, el arbusto incendio ya principia mga alas 7 del Viernes denoche na Kilometro 57, Barangay Buenavista na costa este del ciudad.
Asegun con el policia, el lugar donde ya ocuri el arbusto incendio amo un arbustoso paariba del gulud donde caminando lang puede anda.
El mga bombero desde’l estaciones de Quiniput y Sangali quien ya responde ya llega na lugar del quema mga alas 10:07 del Viernes denoche.
Asegun con el mga bombero, ya alcansa na segundo alarma el quema que ya puede sila apaga mga alas 12:08 del Sabado aga.
El bombero ta determina pa si cosa el causa del arbusto incendio y si quemodo de ancho el afectao lugar. (B. Garcia, photo courtesy of Zamboanga City Fire District)