Ya aresta con un siembrador na un “law enforcement operations” por ilegal posesion de armas de fuego o pusil na provincia de Zamboanga Sibugay.
Si Police Colonel Eduard Mallo, el director provincial del pulisiya na Zamboanga Sibugay, ya nombra con el arestao siembrador como si Marlon Lazo, 48 años el edad.
Asegun con Mallo cay con Lazo ya aresta na un law enforcement operation por medio de implementar “search warrant” mga alas 8:15 del Domingo aga na Purok Kawayan, Barangay La Libertad, Titay, Zamboanga Sibugay.
Si Mallo ya habla cay ya puede confisca na residencia de Lazo in calibre .357 magnum revolver y un calibre .38 revolver con mga bala sin licensia.
Con Lazo y mga evidencia ya pone bajo el custodiya del Criminal Investigation and Detection Group na provincia del Zamboanga Sibugay. (B. Garcia)