Tiene ahora nuevo jefe el Regional Mobile Force Battalion 14-A (RMFB 14-A) que bajo mando del Police Regional Office-Bangsamoro Autonomous Region (PRO-BAR).
Este ya vene despues que inicia cambio el PRO-BAR na liderato del RMFB 14-A del Sabado.
Si Police Brigadier General Romeo Macapaz, el director del PRO-BAR, ya instola con Police Colonel Salman Sapal como el nuevo jefe del RMFB 14-A durante un ceremonia del Sabado quartel del PRO-BAR.
Si Salman ya releva con Police Lieutenant Colonel Argel Ancheta, quien ya servi como el oficial en-cargao del RMFB 14-A.
Antes su nuevo designacion, si Sapal ya servi como el director del policia na provincia del Maguindanao del Norte.
Na su mensaje, si Macapaz ya expresa su gratitud con Ancheta por su inquebrantable dedicacion y contribuciones na RMFB 14-A, que enormemente ya fortalece y ya fomenta profesionalismo entre el mga personajes.
Ya felicita tamen si Macapaz con Sapal na su nuevo designacion, hablando el importancia de encabesar con el RMFB 14-A para fomenta paz, seguridad y progreso na comunidad del Bngsamoro Autonomous Region in Muslim Mindanao. (B. Garcia)