Ocho sientos cuarenta’y ocho individuales y 150 familiares el ya beneficia na programa de accion civico y medical y caravana servicio na uno del mga barrio na Talipao, Sulu, asegun con el militar del Domingo.
Asegun con el 1101st Infantry Brigade (1101Bde), el actividades ya conduci del Sabado na Barangay Lower Binuang, Talipo, Sulu.
Asegun con el 1101Bde, 300 del 848 individuales el ya aprovecha libre consultacion medical; 200 estudiantes ya recivi mga cosas de escuela; 60 beneficiarios ya recivi ayuda de agricultura; 90 individuales ya aprovecha libre cortada de pelo; 138 personas el ya recivi ayuda para saca tarjeta de identificacion nacional; y 90 gentes el ya recivi ayuda para registra na seguro de PhilHealth.
Asegun con el 1101Bde, el 150 familiares ya recivi mga enpaquetao comida.
El mga bata ya queda alegre na mga diferentes clase de juegos que ya hace durante el actividad para de ila entretenimiento.
El conducida del programa de accion civico y medical y caravana servicio ya inicia el 1101Bde con el suporta del diferentes sectores, oficiales y agencias de gobierno. (B. Garcia)