El Philippine Statistics Authority (PSA) Rehiyon 9 na liderato di PSA9 Director Rehiyonal Mewchun WS. Pamaran ya conduci Regional Data Dissemination Forum este dia para con el 2019-2020 Annual Survey del Philippine Business and Industry na Celebrity Hall del Grand Astoria Hotel.
Presente durante el aktibidad, el Regional Director del PSA9 Mewchun WS. Pamaran, OIC-SOCD Hefe del PSA9 Ma. Flerida E. Tan, Social Statistical Specialist Jennifer O. Pedival y otros pa maga representante estaba na mejor ahencia del govierno.
El mencionao foro ya man highlight el resulta del 2019-2020 ASPBI que ya conduci el PSA donde la mayoria del sektor economical el ya abaha como el numero del establisimyento, total numero de trabahante, revenues y expenses que asegun con Pamaran causa del COVID-19.
Asegun el resulta ay usa para na estimacion como base para na formulacion y vigilancia del maga plano y polisiya del govierno para na mejoramiento de ekonomiya del nacion y rehiyon.
El actividad ya man higlight tambien el presentacion de certifico y recognicion para con el maga speaker y top respondents del ASPBI. El maga ya recivi recognicion ta incluhi el Floribel Accounting Office, Golden Sun Security, Brent Hospital and Collges Inc. y Universidad de Zamboanga.
El ASPBI asegun es uno del maga esfuerzo del PSA que ta conduci cada anyo. El ahencia ta pidi suporta para con el maga actividades que ay conduci pa para el mejoramiento del ekonomiya nacional y rehiyonal. (Erica Javier, photo credits to the owner)