Un grupo de 25 atletas representando con el mga Personas con Discapacidades, o PWDs, del ciudad de Zamboanga hay competi na benedero parajuegos nacionales.
El parajuegos nacionales hay conduci na Noviembre 10 hasta 14 na Rizal Memorial Stadium na Malate, ciudad de Manila y na Philsports Arena na ciudad de Pasig.
Asegun con el Oficina de Desarollo y Bienestar Social del Ciudad, o CSWDO, el delegacion del ciudad hay competi na mga evento de atleticos, nadar, badminton, chess, y levantamiento de potencia o power lifting.
Asegun con el CSWDO, el parajuegos nacionales hay marka un momentoso ocasion para del comunidad de PWD del ciudad, ofrecimiento un unico plataforma para dale mira de ila abilidades y valor atletico.
El CSWDO ya habla, el evento hay enfoca na bienestar recreacional y apolitico, naturaleza no tradicional.
El evento de deportes es un simbolo de paz y unidad, asegun con el CSWDO. (B. Garcia)